طبعا من العنوان مشاء الله كمية من الناس حتخش
الناس جارية طوالي لي الفضايح



المهم ...



حخش في الموضوع علي طول ، حقيقة الحاجه الخلتني انزل موضوع بالشكل دة انو بجد زعلن شديد عارفين ليه ؟؟؟

لانو بجد حاسس انو قلبي واجعني شديد بجد مستحيل اكون عندنا موقع بالشكل دة وموقع انا بحلف انو بجد يستاهل انو اكون احسن موقع سوداني خاص بالاغاني عارفين ليه ؟؟؟

اكيد لانو بدا من الصفر واكيد الشاف سودان ديجي زمان في البدايات حيكون معاي في كلامي دة .

اما الحاجه الصعبة الطلعت عيني انو عندنا شات صوتي عبارة عن هرم وكلمة هرم انا عارف تمثيل مجازي كبير شديد علي الشات لانو الصراحة للان مابقدر اقول انو الشات بق قدر كده .

بس السؤال بكون هنا ليه شات شبكة سودان ديجي متواضيع

انا فكرة مع نفس قلت اكيد احتمال اكون في مشكلة فيني انا لانو شايف الشات للان متواضيع من ناحية الزوار ومن ناحية الادارة الموجودة
انا بخص باكلامي دة ادارة الشات وبالاخص Op + vip

طبعا انا مابهاجم الادارة باكلامي دة ولا بقلل من قيمته
بس ياريت ياريت ياريت الادارة تكون قدر المسؤاليه
وتكون فاهمه كلمة انو الزول اكون مسؤال
وقدر الاشراف علي الشات

طبعا كثير منكم حيسالني انت قلت كده ليه ..؟

انا بقول باكل صدق وامانه

انو الادارة مشاء الله عليها متميزة جدا بس بجد باصراحة ومن غير زعل
في شوية تهاون
من ناحية الاهتمام بالزوار

بجد انا لي فترة بخش بلاقي كمية من المراقبين عاملين كاسوري

واحلاء شي الطمر

يااخ مشاء الله طمر شديد التقول الناس قاعده في استاد كوارة
كل زول بكورك بامحل والله انت لو زول خشيت اول مره
طوالي حتطلع والله دي حقيقة وانا دايمن مابخاف من قول الحقيقة
لانو لمن اقول الحقيقة معنها حيكون في ردود
ولمن اكون في ردود اكيد في الحيكون معاي في كلامي دة وفي الحيقول لي انت غلطان واهم شي ...
انا حكون كده وصلت رسالتي لي الطرفين وانا مداير اكثر من كده راجاء خاص اهتموووووو بالشات بليزززز اهتمو بالشات
....

طبعا ممكن اكون في سؤال انو نهتم بالشات كيف ؟؟؟
يعني نمشي نقابض نجيب زوار ولاء شنو ؟؟
ولا نخلق موضوع وبرنامج من مافي ؟؟

طيب ردي ليكم انو ممكن كلكم تتقسمو المهمة دي كيف ؟؟

يعني الزول البحب اسمع اغاني اكون تاكل في روم الاغاني
واشغل ليهو اغنية حلوة كده واقعد
اكيد لمن زول من الزوار اخش روم الاغاني لو عجبتو القصة حيتكل اسمع اغاني معاك ...

طيب في زول حيقول لي انا مابحب الاغاني طيب كلام جميل

المابحب اغاني مااسمع اغاني اكيد المابحب اغاني دة حيكون عنده فهم تاني

يعني بحب حاجه تاني مثل :-
اكون زول نضام شديد بحب الكلام الكثير بدون زكر اسماء

خلو الطابق مستور

ممكن اتبرع وامشي الروم العامة
وافتح موضوع الناس تقعد تبري فيهو مع بعض

طيب ممكن اكون مافي زول بحب اتكلم كثير بحب اسمع بس ؟؟

اوكي كلام جميل


ممكن اقعد في الروم اشوف الناس بتعمل في شنو لو فتحتو موضوع اسمع ساي من غير مااشارك بس اهم شي انظم ليهم الموضوع .
يعني طمر مافي من اسي فاهمين الناس فاتحه موضوع

طيب في زول حيقول لي انو ما من اختصاصك تقوم تورينا نعمل شنو ؟؟

فهم برضو صح من حقو اسالني سؤال زي دة
لانو شايف نفسه انو هو قدر المسؤالية
وبعدين مامن اختصاصي اوجه ليهو الكلام دة
من اختصاص مدير الشات صح

انا حقوم اقول ليهو ياريت لو بس تخت في بالك انو انت زول مراقب
ابق لازم مدام انت مراقب تحاول تكون مسؤال من الزوار يعني توفر ليهم كل الراحة والاهتمام .

مدام انت مراقب فلازم تنظم الروم ماتخلي زول اطمر
ماتخلي زول اشوش علي زول
يعني انت لمن تخش بالهدوم بتاع سوداني ديجي
لازم تكون قدر السؤالية الادوك ليها دي عشان ماتخسر الزوار .

وانحنا البهمنا هنا كلو الزائر يعني لو خسرت زائر واحد ابق معنه حتخسر الشات زاتو كيف ؟

ماانت لمن تخسر زائر
ابق الزائر اخد انطباع ماحلو عن سودان ديجي

ابق انحنا كان مشهود لينا بالتميز في كل شي
كده حنكون خسرنا نقطة صح

بعد مدة حنبق زي غيرنا اي زول اتكلم عن شاتنا بالكلام الشين صح
فبليززززززززززز خليكم قدر المسؤالية اوكي

__________


كده انتهينا من الادارة نجي لي اعضاء المنتدي :-


ياجماعة انتو هوي
انا شايف المنتدي فيهو اكثر من 300 عضؤ نشطين
كل يوم بخشو لينا وبنزلو مواضيع ..

طيب مدام في نشاط بالشكل دة في المنتدي
ليه مااكون في الشات ياجماعة
الشات دة شاتنا وصحب الموقع دافع ليكم فيهو قروش
يعني بدل مانكسب صحب الشات حسنات نخسرو الاثنين
قروش وحسنات ..

طبعا في زول حينط اسي اقول لي الحسنات في الحته دي شنو ؟؟
والدخل الكلام دة شنو اسي دي ؟؟
انت زول مجنون صح ؟؟

حقوم اقول ليهو انت اسي معرفتك بي ماحسنه ؟؟
انت لمن تتعرف علي مسلم زيك وتسلم عليهو كل يوم وتتواصل ماهو هنا في بيتنا الثاني ماحسنة ؟؟

ياجماعة كفاية انو الواحد عرف ناس زيكم عسل واخوان والله دي بره بالدنيا عشان كده

رجاء رجاء رجاء اهتموووووووووووووووو بالشات الصوتي وخلونا نشوفكم ان شاء الله في الاسبوع مرة وحبه حبه
ربك بسهله .


جينا لي الحاجه الصعبة
انو الناس تقوم تدخل كلام دة بجاي وتمرقو بجي
ومااكون استفدنا اي حاجه لا لمينا في الجنة ولا النار ...

رد الفعل او الحاجه الحنصل ليها شنو
انو ممكن عادي الموضوع اعدي
والناس تعمل نايمة وفي النهاية مافي زول خسران .

طيب الخسران منو ؟؟
والله الخسران اكيد حيكون ادراة الموقع
تقعد تدفع وتدفع وتدفع
وفي النهاية
برضو حتقعد تدفع
واكيد ماحتقوم توقف منكم الشات
ولا الموقع والمنتدي
لانو دة بيتكم الثاني وانتو اهلنا .

يعني مافي اب بتبرا من ولده ولا بنته مهمة كانت الاسباب
في النهاية الضناء حار صح

ابق انتو غالين علينا
ومهما احصل ماحنخسر زول فيكم وحبابكم
1000000 في بيتكم الثاني

رجاء خاص اهتمو بالموضوع
والناس تبداء تفكر باعقل ومنطق
واهم شي الهدف
عشان نقوم بعد سنة كده
تاني نكون شغالين نت من المريخ
بدل مانكون شغالين هنا من الارض
والناس بتتقدم
وتمشي لي قدام
ليها انحنا مانمشي لي قدام
بدل مانرجع كل ثانية مية خطوة لي ورانا .


بحبكم بحبكم بحبكم بحكبم

بيتكم الثاني شبكة سودان ديجي