قبل الطبع وبعده ولاول مره فى سودانى ديجى

رقم المشاركة : ( 1 )

قبل الطبع وبعده ولاول مره فى سودانى ديجى

لاول مره وحصرياً فى سودانى ديجى وخصوصاً بالقسم السياسى ؟؟
اهم حدث فى الاسبوع :-

هو موضوع جديد لمشرف جديد ارجو ان تتفاعلوا معه .
الموضوع عن اهم حدث فى الاسبوع نتداول فيه ونسمع ارائكم وماهو :
. الصحيح فى الخبر اوالحدث .
. وماهو الخطاء فى الحدث ومارايك فية .
. هل كنت تتوقع هذا القرار او الحدث .
. بماذا تزيد عنه .

انتظركم فى كل مطلع اسبوع وبعد كل حدث او خبر او قرار جديد لذا انتظرونا لنستفيد من كلينا .

تحياتى / asharf.

المصدر: منتديات سودان ديجي للأغاني السودانية

كُتب : [ 27-02-2008 ]

روووووووعة ياماان

والله بوست زااابط

منتظرين الشبااااب

اخى اشرف 2

لا املك سوى ان اقوول لك (((( استمر والى الامااام )))

بيس يا مان

كُتب : [ 28-02-2008 ]

اخوي اشرف

فكرة قمة في الابداع والتجديد

وممكن تخلي الناس تتواصل معاك وتتفاعل في القسم السياسي

تقبل خالص شكري

كُتب : [ 29-02-2008 ]

فعلا موضوع جميل وزي ما قالو الاخوان حيكون فيه تفاعل جميل

بالنسبة للاحداث منتظرينها علشان نعلق عليها اول باول

تحياتي

كُتب : [ 29-02-2008 ]

تعديل وزارى طارى فى مجلس الوزراء :-
تم تعديل وزارى فى مجلس الوزراء لينتقل عوض الجاز وزير الطاقة والتعدين الى وزارة المالية .
وبعد نقل دكتور الجاز من الطاقة الى المالية قام بعقد حزمة من الاجتماعات والقرارات فى مشكلة فى وزارة المالية وهى مسئلة الخبز الذى هو حديث المواطن فماذا فعل وزير المالية الجديد .أعلن وزير المالية الدكتور عوض أحمد الجاز حزمة من الإجراءات إستهدفت خفض تكاليف إنتاج الخبز سعره إلي ما قبل الزيادة شملت إلغاء دمغة العلاج لوارد القمح وتخفيض فئة المواصفات بنسبة 75% وتخفيض فئة الموانئ بنسبة 58% بالإضافة إلي خفض الرسم الجمركي للطن من 42 جنيه إلي 20جنيه والحجر الزراعي بنسبة 66% إضافة إلي إلغاء ضريبة القيمة المضافة علي الردة للمطاحن الأهلية
إلي ذلك قام والي الخرطوم بتخفيض العوائد علي المخابز الآلية والبلدية إضافة إلي جملة من الإجراءات إستهدفت تخفيض تكلفة الخبز. فيما أعلن بنك السودان إستثناء المطاحن من نسبة التركيز في مجال التمويل وخطابات الإعتماد حتي تتمكن من إستيراد الكميات الكافية من القمح ووافق بنك السودان بالتشاور مع القطاع الخاص علي إمكانية قبول القمح المستورد كضمان في إطار ترتيبات يوافق عليها البنك فاتح الإعتماد. وحث البنك المركزي المصارف الممولة علي أن تكون تكلفة التمويل أقل مايمكن وشجع البنك قيام ترتيبات للتمويل الجماعي في شكل محافظ أو أي ترتيبات أخرى .

فهذا قرار جديد اصدره وزير جديد فى زمن وجيز فهل هو قرار صائب ولماذا لم يقوم الوزير السابق بهذا القرار . هل هذا الاجراء كان متوقع وماهو تاثيره على الشارع العام بعد ان رجع سعر الخبر الى سعره الذى كان به قبل الزياده الاخيره . فهل سيتواصل سعر الخبز فى النزول ام الصعود .

هذا هو قرار الاسبوع واول خبر فى هذا الموضوع فماذا ترد اخى قارى هذا الموضوع .
تحياتى / أشرف ..

كُتب : [ 01-03-2008 ]

يا اشرف يا خووووووي ؟؟

انشاء الله ما يطلع زي اللى كانو قبله ؟؟

لانوا القرارات ممكن تصدر ومن اسهل ما يكووون ؟؟

لكن التنفيذ !!!!مشكلة

يعني عادي ممكن لقى القرار بتخفيض الخبز صدر فعلا ..؟؟ ولكن يتم العمل بهذا القرااار متين ؟؟ الله اعلم

بس برضو بادرة طيبة منو كونوا حاسس بالمواطن ؟

سين سعااااااااااال ؟

ليه دائما الوزراء السودانيين ؟؟ ما بيستحدثوهم ؟

بمعنى !! نادرا ما يجي زول من برا ويعملوا وزير >> تلقى الحكومة تشيل من الوزارة ديك وتخت في الوزارة دي

وكدا يعني

وشكلك يا اشرف حتجيب بينا العيد بمواضيعك دي >>>> هههههههههههههههههه

بيس يا مااان

كُتب : [ 01-03-2008 ]

انتـوا عارفين مرات بحس الوزاره دي زي لوحه الشطرنج

عمر البشير يقعد يغير في الاماكن بمزاج

الوزير يقدمو الطابيه يطلعها قدام ويرجع الفيل ورا
يعني بالشكل ده
غايتو الله المستعان

تحياتي

كُتب : [ 02-03-2008 ]

اشكركم يااعز اعضاء اكس وعاشق ونقا حقيقة المنتدى بدونكم يصبح ظلام فانتم نور هذا المنتدى لذا ارجو ان تنيروا قدر ماتستطيعوا .

حقيقة يااكس التعديلات الجات دى متوقعة وكلنا نعرف ذلك لكن الغير متوقع ان يجى وزير الطاقة محل المالية .
هذا يعنى بان وزير الطاقة وضع خطة للوزارة وباقى المراقبة واظن المراقبة يمكن لايى شخص فى الوزارة ان يقوم بها واعنى اى شخص يعنى شخص من مكتب الوزير الجاز .
والحل جاء بنقل وزير الطاقة للمالية لوضع خطة استراتيجية للمالية اماوزيرها السابق فعلية مراقبة كيفية سير الخطة التى وضعت للطاقة لحين الفروق من خطة المالية .
هذا يعنى بان من المتوقع ان يكون هنالك قرار وزارى مره اخرى وهو ان يرجع الجاز لوزارته ويرجع وزير المالية لماليته او يتم نقله لوزارة اخرى .

ارجو ان يكون الفهم قد وصل . وللحديث بقية .

تحياتى / أشرف ..

كُتب : [ 02-03-2008 ]

والله انا شايف انـــوا الشغلانية جايطة ؟؟؟؟

المهم لك منى كل الشكر اشرف 2

ومنتظرك >>>> ما تتاخر

بيس يا مان

كُتب : [ 02-03-2008 ]

أولا:

كل الشكر والتقدير والاحترااام..للغالي والمتميز دوما والمتألق..أشرف

ثانيا:

بالنسبة لموضوع الغييرات الوزارية دي..هي موش لعبة شطرنج وبس..يعني عندكـ سلطة ..تقدر تغير وتعمل العاوزو ..
بشكل اوضح ..|| الشغلانية كلها لعب فـ لعب ..||
وهي تاني اصلا ماعاوزة ليها تفسير اكبر من كده..ولا شنو ..

يسلموووا اشرف..واتمنى ليك المزيد دوووما يا غالي